نهـايـه الصـبر
ببرود الجملة دي تقوليها في بيت الطاعة، مش هنا.. قدامك ٢٤ ساعة يا سامي، الفلوس دي ترجع البنك، وإلا المحضر هيتعمل والكلبشات هتكون في إيدك! سامي مكنش عارف يتصرف، والفلوس حماته كانت صرفت نصها فعلاً في العربون والمصاريف. حماته فاطمة مسكت سامي وقالتله متهتزش يا واد، البت دي هتقدر تسجن جوزها؟ دي بتهدد بس، روح قول لأهلها إنها بتتبلى عليك وعايزة تخرب البيت عشان مصاريف أمك! وفعلاً، سامي بدأ يكلم قرايب إيمان ويقولهم إنها جاحدة ومش عايزاه يساعد أمه المريضة. إيمان لقت تليفونها مبيبطش رن من أعمامها عيب يا بنتي، دي أم جوزك، والفلوس تروح وتيجي! لكن إيمان كان عندها رد مجهزاة يخلي الكل يسكت تماماً!
إيمان بعتت فويس نوت رسالة صوتية على جروب العيلة الكبير، كانت مسجلة فيها سامي وهو بيعترف إنه زور إمضاها وإنه خد الفلوس من وراها عشان منظرة أمه قدام الجيران! العيلة كلها اتصدمت، وأعمامها اللي كانوا بيلموها، بقوا هما اللي بيشتموا سامي. حماتها لما لقت الخطة فشلت، قررت تروح لإيمان الشغل وتعمل فضيحة هناك عشان تجبرها تتنازل! إيمان كانت قاعدة في مكتبها، وفجأة سمعت صوت زعيق في الريسيبشن. حماتها فاطمة داخلة بتصوت يا ناس شوفوا الموظفة المحترمة اللي بتجرجر جوزها في الأقسام عشان ساعد أمه الغلبانة! يا ناس دي بتسرق
المدير طلب الأمن يخرج حماتها بره، وبص لإيمان وقدم لها دعم كبير. إيمان مروحتش البيت يومها، راحت قعدت عند صاحبتها، وبعتت لسامي رسالة الشنطة بتاعتك هتلاقيها قدام باب الشقة، والوكيل بتاعي هيقابلك في المحكمة بكرة عشان يرفع قضية طلاق للضرر، وقضية رد مبالغ مالية. سامي انهار، وبدأ يكتشف إن أمه اللي كانت بتقويه، هي أول واحدة هتتخلى عنه لما الدنيا تضلم! نص البوست سامي كان قاعد في شقة أمه، مطرود من بيته، ومستقبله مهدد بالسجن. وهو قاعد بيدور في أوراق قديمة في درج مكتب أمه عشان يلاقي عقد الشقة ويبيعه ويسدد ديون إيمان.. وقعت في إيده ورقة خلته يتجمد مكانه! كشف حساب بنكي باسم أمه فاطمة، وبتاريخ الشهر اللي فات.. الصدمة إن الحساب فيه أكتر من نص مليون جنيه! سامي صرخ بهستيريا يا أمي! إنتي معاكي كل الفلوس دي، ومخلياني أسرق مراتي وأزور إمضاها وأخرب بيتي عشان تجددي العفش؟!
حماته ردت عليه بمنتهى الجحود الفلوس دي قرشي الأبيض ليومي الأسود يا واد! وبعدين إيه يعني؟ دي مراتك وفلوسها حقك، أنا كنت عايزة أعلمها
في القسم، إيمان وقفت قدامهم بكل قوة وقالت أنا مش عايزة أسجن حد.. أنا عايزة حقي يرجع كامل، والقرض يتسدد من حساب الست اللي ادعت الفقر وهي معاها ألوفات مؤلفة. تحت ضغط الحبس، الحماة اضطرت تمضي على شيك بمبلغ القرض بالكامل وتنازلت عن كل مليم خدته من سامي. سامي كان واقف مكسور، خسر أمه اللي استغلالته، وخسر مراته اللي خان أمانتها. إيمان خدت حقها، بس لسه في خبطة أخيرة مجهزاها لسامي قبل ما تنهي الحكاية!بعد ما الفلوس رجعت البنك
فتح الظرف لقى ورقة طلاقه وقضية تبديد منقولات. قالتله اللي يزور إمضاء مراته مرة، يقتلها المرة الجاية.. أنا مش هعيش مع راجل ملوش أمان، ولا مع عيلة بتشوف شقايا حق مكتسب ليهم. سامي حاول يترجاها بكل الطرق، بس إيمان كانت خلاص قفلت الباب. خرج من حياتها وهو مديون لأن أمه طردته من بيتها بعد ما سددت الفلوس، وبقى وحيد لا زوجة ولا أم فاتت سنة.. مروة إيمان بقت في مكان تاني خالص. بفلوسها اللي كانت بتتحوش للقرض، فتحت مشروع صغير خاص بيها بجانب شغلها، وبقت من أنجح الستات في منطقتها. في يوم، وهي خارجة من شركتها، شافت سامي واقف على الرصيف بيستنى الميكروباص، شكله كبر ٢٠ سنة، وتعبان ومتبهدل. بصتله بابتسامة ثقة وركبت عربيتها ومشت.. مكنش في قلبها غل، كان في قلبها راحة إنها خدت قرارها في الوقت الصح.
أما الحماة فاطمة، فالعفش المذهب اللي جابته بفلوس القرض متهنتش بيه.. جالها مرض خلى الجيران يهربوا منها، وابنها اللي خربت بيته
