رواية خطايا بريئة بقلم ميرا كريم
الفصل الاول
في ذلك الحي الراقي الذي يتلبس بثوبه الأخضر والمعتق على أرصفته تلك الأشجار اليافعة التي تستيقظ عليها العصافير صباحا لتعزف تلك الأنشودة الهادئة التي عكر صفوها صوت تلك الأنغام الغربية التي صدحت من داخل أحد المنازل التي تتباعد عن بعضها حتى يتمتع قابعيها بتلك الخصوصية المميزة
فكانت هي تتمايل على أنغامها وهي تتطلع لأدائها في المرآة بكل غرور وكأنها لم ترى أنثى أجمل منها على وجه الأرض فهي تتمتع ببشرة حنطية تشابه لون سنابل القمح وعيون سوداء ساحرة تشبه سماء الليل ولكن ليس النجوم هي ما تسطع بها بل المكر وذلك البنطال الفضفاض ثم زفرت بضيق وهي تتذكر تعليماته الصارمة بشأن ملابسها فهي حقا سأمت كبته لحريتها لطالما طمحت أن تعيش حرية مطلقة كالفراشة دون قيود ولكنه يتعمد ردعها لتواسي ذاتها أنها لابد ان تتقبل منه أي شيء ولكن بشرط أن لا تدخل والدته بقراراته وعلى ذكرها أتاها صوتها من خلف باب غرفتها
وطي الصوت شوية يا نادين
يلا الفطار جاهز هتتأخري على جامعتك
نفخت أوداجها بغيظ وصاحت متأفأفة بعدما أطفأت ضجيج جهازها اللوحي
طيب جاية جاية
قلبت عيناها بملل وأخذت تلملم بكتبها ليطرق باب غرفتها بطرقات تعلم صاحبها لتزيح الحنق عن ملامح وجهها وتستبدله ببسمة واسعة وتهم بفتح الباب قائلة وهي تراه يستند على الحائط أمامها و يربع يده
صباح العسل طب والنعمة وحشتني والبيت كان مضلم من غيرك
رفع حاجبه بمكر فهو يعلمها ويعلم تلك الطريقة الملتوية خاصتها كي تؤثر عليه وتفلت من العقاپ بعد كل خطأ ترتكبه
صباح الأونطة اللي ما بتدخلش عليا بعد كل مصېبة
شهقت ببراءة و عقبت
أونطة ليه بس ده أنا كيوت خالص ومش بعمل حاجة
هز رأسه وقال في تهكم وناعستيه البنية تشملها
لأ ما هو باين راجعة بعد نص الليل و استغليتي سفري يومين وعيشتي حياتك فاكراني مش هعرف
ابتلعت ريقها وأجابته بثقة مبالغ بها
كنت بذاكر مع نغم والوقت أخدني مأجرمتش يعني وبعدين انت عارف نغموعارف إن أحنا أصحاب من زمان وأظن واثق تماما في أخلاقها لتستأنف بتمرد وهي ترفع حاجبيها المنمقين
وبعدين هي أمك لازم تقومك عليا ده بدل ما تقولي وحشتيني يا نادو
تلاشى هدوءه و جز على نواجزه وهو يقبض على ذراعها قائلا بنبرة صارمة يحفها التحذير
عيب كده ومش هي اللي بلغتني وأخر مرة أحذرك ملكيش دعوة بيها و مسمهاش أمك كلمة مش لطيفة علشان تطلع من بنت متربية زيك فااااااهمة
هزت رأسها بقوة وقالت تدعي الوداعة
الست الوالدة ارتحت كده ممكن بقى تسيب إيدي بتوجعني
قالت أخر كلمة وهي تسبل عيناها بنظرة عتاب لم يستطيع الصمود أمامها ليتركها ثم يزفر بضيق و يلعن نفسه و يكوب وجنتها قائلا بعدما استعاد هدوءه بعض الشيء
نادين امي خط أحمر وأنت عارفة ده فبلاش طريقتك دي أنا مش بحبها علشان بتطلع أسوء ما فيا
ابتلعت غصة بحلقها وأومأت له بطاعة يعشقها منها ليبتسم بسمته البشوشة الدافئة تلك التي لا تفارق وجهه إلا بسبب حنقه منها
حقك عليا
أومأت له ليستأنف بنبرة صادقة
على فكرة بقى وحشتيني يا نادو
كنت بعد الدقايق علشان أرجعلك وأشم ريحتك واطمن انك معايا
أبتسمت بسمة ناعمة وهي تدفعه برفق وقالت ووجهها يشتعل خجلا
يامن هتأخر على المحاضرة الأولى
أومأ لها وتفهم خجلها ببسمة مريحة بينما هي فرت من أمامه تسبقه إلى طاولة الطعام
لسة زعلانة يا بنتي
جملة قالتها ثرياوالدة يامن أثناء تناولهم الطعام لترد هي ببرود ساخر تعمدته وكأن تحذيره لها قد تبخر
محدش يعرف يزعلني يا مرات بابا
زفر يامن بقوة و وضع شوكته من يده بعصبية محدث صوتا قوي أجفلها وجعل نظراتها تهتز بتوجس وإن كاد يفقد أعصابه ويوبخها ككل مرة على تطاولها مع والدته ولكن والدته ربتت على ساقه من تحت الطاولة كي يهدء بينما هي لاحظت حركتها تلك لتنبسط معالم وجهها وتفتر عن بسمة مفعمة بالانتصار الذي لم يدوم حين قال بنبرة آمرة
أعملي حسابك مفيش مذاكرة برة البيت تاني
أعترضت بعصبية
بس انا مبعرفش اذاكر لوحدي ونغم معاها مراجع وبتشرحلي
اللي مش بفهمه
خلاص خليها هي تجيلك
نفت برأسها وبررت
باباها مش هيرضى انت عارف هو مشدد عليها أزاي
ليزفر أنفاسه ويقول بقرار قاطع
خلاص قوليلي أسماء المراجع دي وبكرة تبقى عندك وأي حاجة مش فهماها هساعدك أنا فيها
كادت تعترض مرة آخرى ولكنه صړخ بها بنبرة صارمة تعرف جيدا أن لا رجعة فيها
من غير اعتراض كلامي يتسمع
أحتدت نظراتها السوداية أكثر وهي ترمق والدته پحقد بائن أحزنثريا كثيرا عندما كللته بكلماتها المسمۏمة
يارب تكون أرتحت يامرات بابا
عقبت ثريا بطيبة مستنكرة
أنا يا بنتي ده انا نفسي أشوفكم أحسن الناس
رفعت حاجبها المنمق مستنكرة قولها وكادت ان ترد بعجرفة كعادتها لولآ صوت ارتطام كوبه الزجاجي بلأرض الذي زاحه پغضب أعمى تخشى تبعاته ورغم ذلك تعاند
ناااااااادين ولا كلمة كمان واتفضلي اسبقيني
على العربية
دبت الأرض بقدمها وتناولت كتبها ثم انصاعت له تاركته يشرد في آثارها بضيق
فحقا هو سأم من طباعها
تلك وحديثها اللاذع مع والدته وكأنها تتعمد أن تثير غضبه وتخرجه عن طوره فهو إلى الآن لا يعلم فيما أجرمت والدته لتعاملها هكذا رغم كل ما كابدته في رعايتها بعد ۏفاة أمها وجلب أبيها للعيش معهم انتشله من شروده صوت والدته الحنون وهي تربت على يده
معلش يا حبيبي بكرة تعقل وربنا يهديها والله أنا بدعيلها في كل صلاة دي بنت الغالي ومعزتها من معزته انا بس صعبان عليا حالها
أزاح غضبه جانبا وقائلا بحنو
بالله عليك متزعليش منها نادين قلبها أبيض هي بس مندفعة وأكيد متقصدش تضايقك
مش زعلانة يا حبيبي ربنا يعلم انا بحبها أد ايه
رفع حاجبه بمشاكسة وقال بفخر واعتزاز ليس ابدا بموضعه
لازم تكون بتحبيها يا ماما دي مرات أبنك حبيبك وبكرة تبقى أم عياله
آما على بعد عدة امتار من ذلك الحي الراقي نفسه وخصة بتلك الشقة ذات الذوق الرفيع التي أشرفت هي على تصميم كل ركن بها كي تكون كيانها الصغير الذي يجمعها به وبأطفالهم و تكتفي بهم عن العالم أجمع
فنجدها تتحرك في رشاقة وبخطوات مفعمة بالنشاط تحضر طعام الفطور شهقة خاڤتة صدرت منها عندما شعرت
يا صباح الجمال
بادلته تحية الصباح ببسمة هادئة بعدما التفتت له
صباح الخير شكل مزاجك رايق النهادرة يا حسن
غمز حسن بتسلية وقال بنبرة مشاكسة يعلم انها تخجلها
يخربيت حسن دي اللي بتطلع من بؤك شبه الړصاص وبترشق في قلبي
ابتسمت تلك البسمة الرقيقة التي تجعله يظن أن العالم خلى من كل مصائبه ولم يتبقى غير ربيع بسمتها و سلامها النفسي الذي ينفض دواخله ويعبث بأفكاره ونواياه
حسن سرحت في ايه!!!
انتشله صوتها الناعم مما جعله يجيبها
عيون حسن وقلب حسن من جوة
تنهدت تنهيدة حارة وتساءلت بنبرتها الناعمة تلك وعيناها تغوص بعينه البنية القاتمة بتيه يذهب عقله ويحفز غريزته دائما
بتحبني يا حسن
اومأ لها دون تفكير وكأن الأمر اعتيادي بالنسبة له و دون أن يؤكد بكلمات
الله الله يا سي بابي بقى سيبنا ھنموت من الجوع وبتدي مامي سكرة
نفت الصغيرة برأسها واجابته بحروف متكسرة
لأ خد مني انا السكر أنا أحلى منها
قهقه حسن بقوة على طفلته يقضم وجنتيها الشهية قائلا في مزاح جعل الصغيرة تكركر ضاحكة وهو يتوجه بها إلى الخارج
ده انا هموتك يا لمضة وههريك سكر لغاية ما تقولي حرمت يا بابي
أبتسمت رهف وهي تشاهد ذلك المشهد الذي لم يتكرر كثيرا بسبب إنشغال زوجها المستمر لتحمل الأطباق وتلحق بهم
أوصلها إلى جامعتها دون ان يتفوه ببنت شفة تاركها تمارس لعبة التجاهل خاصتها فهو على يقين تام انها غاضبة منه يقسم انها تخرج أسوء ما فيه وتعلم أنه لا يقبل التجاوز ابدا بحق والدته وقد حذرها العديد من المرات ولكن تتعمد ان تعانده وتلقى بتحذيراته عرض الحائط انتشله من عاصفة افكاره صوتها المتمرد
متجيش تاخدني هاخد أوبر مع نغم
زفر انفاسه دفعة واحدة و اوقف السيارة ينظر لها نظرات حادة مشټعلة وهي تلملم أشياءها وإن كادت تفتح باب السيارة قال بإصرار وهو يقبض على يدها
انا هاجي اخدك زي كل يوم
نفخت اوداجها وصړخت بوجهه بعناد
كعادتها بعدما نفضت يده
مش عايزة و سبني براحتي محدش هياكل مني حتة وياريت بلاش تعيش الدور اوي كده يا يامن انت بتعمل اللي عليك واكتر
أزاح نظارته الشمسية كاشف عن ناعستيه الثائرة بعدما استفزته بتمردها المعتاد واعتراضها الدائم ويستطرد بكل ثقة وكأنه يذكرها غافل كون ذلك السبب سبب شقائها
أنا مش عايش الدور يا نادين دي وصية ابوك ليا و ده حقي اللي الشرع سامحلي بيه طول ما انت على ذمتي وكلمة كمان هاخدك أروحك وهحلف مفيش جامعة تاني
نفخت أوداجها بقوة من تهديده الصريح لها وفي أقل من دقيقة واحدة كانت تترجل من السيارة و تركض بعيد عنه بخطوات عصبية جعلته يلعن تحت أنفاسه وهو ينظر لآثارها فلم تعارضه دائما وتجبره على ټهديدها في كل مرة لم
أبتسمت بزهو وهي ترى نظراتهم المسلطة عليها و إن كادت تخطوا نحوهم اوقفها صوت صديقتها
نادين عاملة أيه
قالتها فتاه سمراء هادئة الملامح وتزين وجهها بحجاب يتناسب مع ملابسها المحتشمة
أهلا يا نغم
أجابتها بعدم تركيز وعيناها عليهم لا تحيد عن موضعهم لاحظت نغم نظراتها وقالت بتوبيخ
نفسي تسيبك
من شلة الفساد دي وتركزي في الدراسة ومع جوزك
بس متقوليش جوزك
قالتها بتأفف وبعدم رضا لترد نغم بعقلانية
ده الواقع اللي لازم تتقبليه وتحترمي قواعده
هزت رأسها بلا مبالاة
وأخبرتها
سيبك بقى مش كل ما تشوفيني تقعدي تسمعيني كلمتين انا هروح أشوف
الشلة وهبقى اكلمك علشان أخد منك المحاضرات اللي فايتاني
لأ روحي سلمي عليهم وهستناك تحضري معايا المحاضرة الأولى مش هتحرك إلا رجلي على رجلك
قلبت نادين عيناها بسأم من إصرار صديقتها بينما
تنهدت نغم وهزت رأسها بلا فائدة وهي تراها تنضم لهم ليرحبوا بها بحفاوة كبيرة وبسماتهم جميعا تفيض إعجاب
فتلك هي نادين ولن تتغير بتاتا منذ أيام الدراسة فطالما كانت تتمرد على كل شيء وتعشق
دور القيادية لكي تكون دائما محط انظار كل من حولها رغم انه يوجد الكثير أجمل منها لكن لا أحد يستطيع يضاهي جاذبيتها وفتنتها وخاصة عندما تضحك تلك الضحكة الرنانة التي تطلقها لتوها و تقسم انها تجعل العابد يرتكب أفظع الخطايا من أجلها
بينما عند صاحب البنيتان القاتمة لاحظ وجوم أبنه أثناء جلوسه على طاولة الطعام ليتسأل مستفهما
مالك يا استاذ مكشر ليه كده على الصبح
صدر صوت شريف المتذمر
الباص هيفوتنا وانا جعان
ليبعثر حسن خصلات الصغير ويسأله في عتاب
طيب حقك علينا أخرنا معاليك مفيش بقى صباح الخير الأول
صباح الخير يا مامي
قالها الصغير وهو يوجه نظراته لوالدته دون أن يعير ابيه اهمية مما جعل حسن يستغرب فعلته ويتسأل من جديد
انت لسة زعلان علشان مرحناش الساحل
هز الصغير رأسه بنعم ليبرر حسن
بس أنا وعدتك إني
قاطعه الصغير بتذمر
انت بتكدب و مامي قالت الكداب بيروح الڼار
نزل قول الصغير عليه كدلو ماء بارد مما جعله يتناوب معها النظرات كي تنوب عنه وتدخل ككل مرة التقطت نظراته و وجهت الصغير
عيب كده بابا مينفعش يتقاله كده اتأسف فورا
سوري يا بابي
أومأ له تزامنا مع رنين هاتفه وكعادته نظر لشاشته بعيون زائغة وببديهية قام برفض المكالمة و نهض من مقعده قائلا
انا لازم اجهز عندي اجتماع مهم
مش هتفطر يا حسن
هز رأسه ب لا وهو ينظر لها نظرة غريبة لم تستنبط منها شيء وتوجه لغرفة النوم دون ان يتفوه ببنت شفة وكأن تأثير تلك الجملة التي صدرت بكل براءة من صغيره حركت شيء ما بداخله وجعلت ضميره يتأكله
نظرت هي لظهره بضيق واسترسلت بنبرة حانية معاتبه وهي تكوب وجه صغيرها
كده برضو ياشريف تزعل بابي
ده بيحبك وملوش في الدنيا غيرنا وبعدين هو عنده شغل ولازم نعذره بابي اول ما يفضى هياخدنا في المكان اللي تشاوره عليه هو وعدنا بكده وبابي عمره ما وعد وخلف وعده غير لو حاجة ڠصب عنه
أومأ لها الصغير في تفهم واعتذر مرة آخرى لتهدر رهف بنبرة آمرة غير قابلة للحياد كأي أم
طب يلا كل واحد يخلص طبقه بسرعة علشان منتأخرش
إنصاعوا لها لتنظر لهم بعيون ساهمة تفكر به وبذلك التغير الذي طرأ عليه في الآونة الأخيرة
جلست بين أصدقائها بكل زهو منفردة بتلك الأضواء التي تسلط عليها بغياب نادين تلك المتبجحة من وجهة نظرها التي تستحوذ على اهتمام
كل من حولها
أوعوا متجوش يا شباب هزعل منكم ده بابي عامل بارتي يجنن هيفوتكم نص عمركم لو مجتوش
قالتها بتفاخر واضح لهؤلاء الذين يجلسون متراصين حولها على الطاولة
لترد أحدى صديقاتها وتدعىمنه بمجاملة
أكيد يا ميرال هنحضر نادو قالت انها جاية كمان والبارتي أكيد هيبقى يجنن
أبتسمت ميرال ببهوت وقالت بغيظ
نادو متأكدة انها مش هتيجي أصل بيقولوا خطيبها رجعي متخلف ومش بيرضى يخرجها لوحدها
قهقهوا جميعا على حديثها لتتسأل أخرى ساخرة
ايه الجو القديم ده معقول لسه في رجاله كده!!
مفيش ياقلبي وعلشان كده يستحق يبقى مع نادين الراوي
فاجأتهم جميعا بعدما قطعت حديثهم بكل غرور وكأن لا يوجد أنثى على وجه الأرض غيرها
أبتسمت ميرال بسمة مغتاظة وهمهمت پحقد
متتكسفيش وقولي أنه مش بيثق فيك عااااادي يعني
قهقهت بكامل صوتها الأنثوي المفعم بالفتنة كأنها تخبرها سر من أسرار الحړب
عذراك يا بيبي اصلك معډومة الثقة وفاكرة كل الناس شبهك مش كده يا طارق
باغتته بجملتها ذلك الذي كان يجلس يشاهد ما يحدث بثبات رغم تلك النيران المستعرة بداخله لينظر لها نظرة قاټلة ثم دون مقدمات نهض تاركهم ومعالم وجهه قد تجهمت بشكل واضح مما جعل ميرال تزوغ نظراتها وتتناوبها بين الجميع الذين كانوا يتهامسون ويعتلي وجوههم بسمة ساخرة تعلم المغزى منها
بينما هي ابتسمت بأنتصار بعدما وجدت أنها بتلك الجملة أربكتها و اشعلت النيران بقلبها وجعلت عيناها تقدح لتوها وتهز ساقيها بطريقة هستيرية كي تكبح ڠضبها لتضيف نادين بمكر وهي تضع يدها على فمها مدعية البراءة
أيه ده هو انا ضايقتك سوري يا ميرال بجد
جزت ميرال على
نواجزها وتمنت لو ومرغتها بالأرض ولكن نادين دائما ما تكون ردود أفعالها أسرع
طب يا جماعة أنا لازم أمشي ومتقلقيش انا
هكون اول الحضور في عيد الميلاد لتميل على إذن ميرال هامسة بخبث تجيده
وهجيب الرجعي المتخلف بتاعي معايا علشان أثبتلك العكس
ذلك آخر ما تفوهت به تاركة ميرال تلعنها بسرها و تستشيط ڠضبا وتقسم انها سترد لها الصاع صاعين
لحقت به للغرفة لتجده يتحدث بالهاتف بصوت
خفيض للغاية وما أن رآها توتر وبسرعة البرق كان ينهي محادثته اوقفها الأمر لبرهة عاندت فيها أفكارها وسألته
هتتأخر يا حبيبي
هز رأسه وهو يرتدي
ملابسه وقال بتبرير
انت عارفه انه ڠصب عني المشروع أخد كل وقتي ولازم يتسلم كمان اسبوعين وخاېف ملحقش وادفع الشرط الجزائي
وقالت داعية كي تخفف عنه
هتلحق يا حسن ربنا يقويك معلش هانت بكرة ربنا اكيد هيكافئك على تعبك
استدار لها وكوب وجنته الممتلئة قائلا بأمتنان
والله يا قلب حسن مش عارف من غيرك ومن غير فلوسك اللي ادتهالي كنت هعمل ايه
انا اللي من غيرك ولا حاجة يا حسن ربنا يخليك لينا وبعدين فلوسي هي فلوسك
تنهد بعمق و وعدها
أدعيلي يا رهف وإن شاء الله اول ما اسلم المشروع هرجعلك كل فلوسك وكمان هعملك كل اللي نفسك فيه
اعترضت هي بكل سلام نفسي
انا مش عايزة حاجة غير إني أشوفك مبسوط وبتحقق احلامك انت أهم عندي من نفسي يا حسن
جعد حاجبيه ورفض
بس ده حقك يا رهف و ورثك من أهلك
عارضته هي بقناعة وثقة تامة
أنا وأنت واحد و في الأخر كله هيبقى لينا ولمستقبلنا كلنا مش كده يا حسن
أجابها بعدما تهللت اساريره
كده يا قلب حسن من جوة
لترفع رماديتاها وتسأله بتيه يذهب عقله دوما
بتحبني
انتظرت رده ولكن هو لم يجيبها بل فضل أن يؤكد لها بطريقته التي يجيدها ويظنها أبلغ من الكلام
غادرت من بينهم بعد حديث تلك المتعجرفة وهي تستشيط تريد أن تنفث ڠضبها بأي شيء لتصعد إلى سيارتها وتقودها بسرعة چنونية إلى ذلك المكان البعيد اعلى تلك الهضبة التي طالما انفردت بنفسها به وما ان وصلت لوجهتها تدلت من سيارتها واستندت على مقدمتها وظلت فيروزاتها شاردة في تلك الإطلالة الرائعة للبلد من اعلى و ظلت جملة واحدة هي ما تتردد بعقلها أصلك معډومة الثقة وفاكرة كل الناس شبهك
لتقول في قهر وبعيون غائمة وهي تتذكر الأحداث السابقة وتلك الڤضيحة التي اوقعتها نادين بها متعمدة وبسببها خسرته
اقسم بالله لهدفعك تمن كل اللي عملتيه فيا وبنفس طريقتك يا نادين
الفصل الثاني
إذا كان يمكنني إعطاءك شيء في هذه الحياة كنت سأمنحك القدرة على رؤية نفسك بعيني حينها فقط ستدرك كم أنت شخص إستثنائي بالنسبة لي
دائما ينتصر قلبه على عقله ويأتي به إليها كل صباح كي تكون هي أول شيء يراه قبل أن يبدأ يومه وكم يبتهج عندما يجدها مازالت نائمة ك الآن فهي تكون هادئة مسالمة لا تعاند ولا تتفوه بشيء يخرجه عن طوره كصحوها ظل يتأمل ملامحها الآسرة وخصلاتها
الفحمية المموجة التي تفترش الوسادة بشكل يخطف الأنفاس ويجعله يود أن يحظى ولكن دائما يردعه ذلك الأتفاق اللعېن
الذي دار بينه وبين والدها قبل عامين تنهد بعمق وهو يعود بذاكرته لذلك اليوم الذي انفرد به و فاجأه بطلبه وهو قابع على فراش المشفى بعدما ساءت حالته الصحية
أتجوز بنتي يا يامن
نعم ازاي
أبتسم عادل بسمة باهتة وأردف بكل ثقة رغم أعيائه الشديد
لأ يا ابني مش بهزر أنا مش هأمن لحد غيرك ولا ينفع أثق في حد غريب انت تربية أيدي من يوم ما اتجوزت مامتك وشوفتك بتكبر قصاد عيني اتمنيت أنك تكون أبني من لحمي ودمي
انا فعلا ابنك وربنا يعلم معزتك عندي من معزة ابويا الله يرحمه بس حضرتك كده بتحطني في موقف وحش انا مستحيل اقبل اني اتجوز واحدة ڠصب عنها حضرتك عارف أنها مش بتديني حتى فرصة اتكلم معاها ده لما بقولها صباح الخير بتتخانق معايا
هز عادل رأسه بتفهم رغم هوانه وأخبره بثقة أكبر بثت بالآخر الأمل
الحب بيجي مع العشرة ونادين مش هتلاقي احسن منك ومتأكد انها هتحبك
بس انا
من غير بس أبعت جيب المأذون دلوقتي قبل فوات الأوآن
ليسترسل عادل بنبرة مټألمة راجية تقطع نياط القلب أحزنت يامن وجعلت عينه تغيم بدمعاته التي كانت تنعي حال ذلك الرجل الحنون الذي قام برعايته وكان بمثابة والده
أنت عارف إن الدكتور مش مطمني وإن عضلة القلب شغالة بنسبة ضئيلة جدا ده غير ان مستحيل هدخل جراحة نسبة نجاحها معډومة نادين ملهاش حد غيري وأهل أمها وأكيد أنت عارف هما طماعين أد أيه أنا خاېف أموت وأسيبها ليهم ويستغلوا انها لسة صغيرة خاېف يشتروا ويبيعوا فيها وياخدو شقى عمري على الجاهز
ربت يامن على يده بمواساة وقال وهو يمرر يده على وجهه كي يزيح دمعاته ويدعي الثبات حتى لا يزيدها عليه
بعد الشړ
عليك ربنا يخليك لينا
أبتسم عادل ببهوت وأخبره بيأس لأبعد حد
أنا عملت حصر لكل أملاكي وكتبتهم بأسمك والمحامي قام بكل الإجراءات بس ده هيبقى دين في رقبتك لغاية ما بنتي تتم الواحد والعشرين وساعتها هترد ليها حقها يا يامن زي ما وصيتك اوعدني يا ابني وقولي انك هتكون أد ثقتي فيك
أومأ له يامن ودمعاته من جديد تأبى الصمود أكثر ولكنه كبحها
بأعجوبة وسأل بتوجس
و هي موافقة
ليجيبه عادل
أنا ضغطت عليها و هي وافقت بس ليها شرط
تأهب لبقية حديثه ليسترسل عادل جاعل قلبه يتهاوى بين قدميه
جوازكم يبقى على الورق بس لغاية ما تتم الواحد
وعشرين ويرجعلها حقها وساعتها لازم هي اللي تقرر تتمه ولا لأ
أبتسم يامن بسمة مټألمة لأبعد حد فماذا كان ينتظر منها رأى عادل خيبة الأمل تعتلي وجهه ليطمئنه بحنو حقيقي
صدقني هتحبك زي ما بتحبها بس أديها وقتها
تفاجأ يامن من حديث عادل فكيف علم بعشقه لها ألهذا الحد هو مفضوح أمامه ليخبره عادل
متستغربش حبك واضح في كل تصرفاتك وعلشان كده أنا مطمن ولو موتت ھموت وانا مرتاح علشان عارف انك هتحطها في عينك
ليعقد القران بالمشفى وبعد عدة أيام توفى والدها تارك له مسؤولية كل شيء وأولهم تلك العنيدة المتمردة التي يجاهد كي يرودها
عاد بذاكرته للوقت الحالي بعدما تململت هي بفراشها وأخذت ترمش بعيناها ليهمس ببحة صوته المميزة
صباح الخير
قالها وهو
يعتدل بجلسته على ذلك المقعد القريب من فراشها تأففت بإنزعاج و لم تستطيع التغلب على الكسل المسيطر عليها وأخبرته دون أي مقدمات
مش رايحة الجامعة النهاردة سيبني انام
زفر أنفاسه ونهض يزيح ستائر الغرفة كي يجعل الشمس تفوت تنير عتمتها وقال بجدية
النهاردة عندك محاضرتين مهمين لازم تحضريهم
زمجرت بغيظ من تسلطه الزائد عليها ومعرفته بأدق التفاصيل التي تخصها
ما شاء الله حضرتك مركز أوي!!
لو مكنتش أركز معاك يا مغلباني هركز مع مين !
قلبت عيناها واعترضت كعادتها بعناد
أنا بعرف أظبط مع أصحابي وباخد المحاضرات اللي مش بحضرها منهم ممكن بقى تسبني أنام طلبت بملل وهى تسحب وسادتها وتضعها على رأسها تنهد عميق من عنادها واستأنف
خلاص هسيبك تنامي براحتك بس اعملي حسابك مش هقبل بأي استهتار في دراستك والسنة دي لازم تجيبي تقدير عالي
انتفخت أوداجها بغيظ من تحذيراته المتكررة وتلك الكلمة التي طالما خصها أبيها رحمه الله بها وتوارثها هو عنه فكم كان هو مدلل أبيها المثالي الناجح المتفوق دائما ولذلك أصر انها تدرس نفس مجاله أدارة اعمال كونه قدوة حسنة تقتدي بها هي المستهترة الفاشلة من وجهة نظره ونظر الجميع تناولت نفس عميق قبل أن تهدر بثقة و هي تلملم خصلاتها فوق رأسها بعشوائية جمدت نظراته الذي يزينه عدة شامات متفرقة جعلته يجفل لوهلة بحلم يقظة ليس ببريء بالمرة وكم أراد أن يطبقه بالواقع
هجيب تقدير بالعند فيك وهثبتلك إن مش مستهترة و إن مش أنت لوحدك اللي كنت بتجيب تقديرات
رفع حاجبه بعدما تحكم برغبته الملحة وقال بتحدي تقصده لكي يحفزها
لما نشوف يا نادين لينظر بساعة يده ويخبرها وهو يتوجه لباب الغرفة
انا لازم امشي اتأخرت على الشغل اومأت له بلامبالاه وتمددت من جديد واضعة وسادتها على رأسها تنهد هو وقبل أن يخرج أقترح بترقب
تحبي نتعشى مع بعض بره
ازالت الوسادة عن وجهها واعتدلت بنومتها وتلعثمت بتوجس من ردة فعله
مش هينفع أصل عيد ميلاد ميرال النهاردة ووعدتها إن هحضر و عايزاك تيجي معايا
نفى برأسه
لأ انا قولت ألف مرة ميرال دي مش برتحلها ولا الشلة بتاعتها
بس انا
من غير بس
قالها بقطع أغاظها وجعلها ټنفجر به حانقة وهي تنهض وتقف مواجهة له
أنا زهقت من تحكماتك دي انا مش عيلة صغيرة وكلها كام يوم وابقى حرة نفسي لتكتف ذراعيها وتذكره بخبث
أظن أنت فاكر الأتفاق اللي بينا !!
أغمض عينه بقوة و ولاها ظهره وهو يلعن تحت أنفاسه الغاضبة فهي لن تكف عن تذكيره بذلك الأتفاق اللعېن الذي فرضته عليه قبل أن تقبل الزواج منه ليشدد على قبضة يده يكبح غضبه ويرد بنبرة حادة تقصدها كي يرهبها ويجعلها تكف عن تمردها وعنادها المعتاد
عمري ما نسيت ومن هنا لوقتها تسمعي كلامي ومتعارضيش وإلا أنت عارفة كويس أقدر اعمل أيه
ابتلعت غصة بحلقها وهي تلتقط تهديده الصريح لها لتهمهم بتراجع وتدعي البراءة وهي تنظر لظهره
بلاش تهددني يا يامن أنا عارفة إن عمري ما ههون عليك
لم يجيب فقط اكتفى بتنهيدة عميقة نابعة من صميم قلبه المولع بها فكم أراد ان يطمئنها ويخبرها انه لا يستطيع ايذائها بتاتا او التخلي عنها ولكنها من تضطره لأرهابها وټهديدها كي يكبح تمردها ويجعلها تنصاع إليه فمجرد ذكرها لذلك الاتفاق اللعېن وشعوره بأنها من الممكن ان تبتعد عنه
يبقى بلاش تضغطي عليا بطريقتك دي وتسمعي الكلام أنا عايز مصلحتك
غامت عيناها ببريق لم يفهمه يوم وهزت رأسها لېصرخ داخل عقله
عمري ما أقدر أأذيك يا نادين ولو أخر يوم في عمري مش هتخلى عنك
حتى لو قولتلك علشان خاطري نفسي تيجي معايا و اتباهى بيك قدام صحابي
لتسبل أهدابها وترجوه بدلال يا يامن ده طلب بسيط وانا اول مرة اطلب طلب زي ده منك
لم يجيبها وظل على ثباته يشاهد عرضها الهزلي بحاجب مرفوع و بملامح جامدة
لتهمس هي بآخر
ما بجعبتها و تقول بدلال وبعيون يسطع بهم المكر ظن منها أنها تستغل نقاط ضعفه
نفسي كل الرجالة اللي حواليا يعرفوا إن ملكك لوحدك ومتأكدة أن كل البنات تحسدني عليك لو شافوك معايا
نعم هي تتمتع بذكاء أنثوي لا يضاهيها أحد به ولكن هو لا
ينطلي عليه تلك الأساليب الملتوية خاصتها ليبتسم بمكر ويجيبها وهو يبتعد عن هالة فتنتها المهلكة التي تتعمد حصره بها
مش هينفع النهاردة الحد وفي كذا طلبية جاية المطعم ولازم استلمها بنفسي
لتحتد نظراتها الغاضبة نحوه وټضرب الأرض بقدمها بينما هو لم يكترث
فقد قرر ان يفض ذلك الوضع الذي يعبث بثباته ليلثم جبينها بحركة مباغتة ويغادر دون أضافة المزيد تاركها تستشيط ڠضبا
احتمال اتأخر النهاردة
قالها حسن بلامبالاه أثناء تناول طعام الفطور لترد هي مستاءة
ليه بس يا حسن يعني هقعد طول النهار والليل لوحدي
أعملك ايه هو بمزاجي ما انت عارفة الشغل والمشروع الجديد اخد كل وقتي
اومأت له بتفهم وقالت بود
ربنا يقويك يا حسن
ليرد بحماس غير عادي فذلك المشروع سينقله نقلة أخرى تماما في مجاله
هانت يا رهف مقدرش اقولك انا مبسوط أد ايه
أبتسمت و قالت بمشاكسة
ابقى ادعيلي بقى انا السبب
أبتسم بهدوء وأخبرها بعرفان
بدعيلك يا حبيبتي
وعمري ما انسى وقفتك جنبي
ربتت على يده بحنان و ابتسمت تلك البسمة الهادئة المليئة بالرضا وباشرت طعامها بينما هو شرد بها لثوان قبل ان تقول بتردد وكأنها مرغمة
طيب انا هروح النادي انا والولاد بعد المدرسة علشان هقابل سارة
لتتنهد بسأم وتسترسل بتلقائية تخبره بأدق تفاصيلها كما تعودت
أنا مش بحب اخرج انا والولاد لوحدينا بس هي عمالة تزن عليا بقالها كام يوم وعايزة تقنعني بموضوع الشغل ده
رفع بنيتاه لها ورد بحياد
على فكرة انا معنديش مانع والقرار راجع ليك
نفت برأسها وقالت بإخلاص غير عادي
مقدرش انشغل عنك وعن الولاد يا حسن
حاول هو إقناعها كي تحيد عن عزلتها تلك
بس أنت موهوبة يا رهف وحرام تضيعي تعبك وسنين دراستك على الفاضي ده الكل يشهدلك إنك كنت أشطر مهندسة ديكور
أبتسمت هي بكل نفس راضية وأخبرته بإعتزاز وهي تتطلع لأركان منزلها
مين قالك إنه على الفاضي كفاية إني بنيت مملكتي معاك ومع ولادي وده عندي كفاية
أبتسم بسمة عابرة لم تصل لعينه وهو يفكر كم هي روتينية مملة بكل شيء ليس لها طموح شخصيتها مسالمة تفتقد للشغف حتى انه في الكثير من الأوقات يمل من أهتمامها الزائد بأدق التفاصيل وتحفظها التي لا تحيد عنه ليرتفع جانب فمه ببسمة ساخرة فهو رغم كل ذلك رغبته بها تظل متأججة وخاصة عندما تشعره بضعفها وحاجتها له و بمدى سلطته وهيمنته عليها متناقض هو يعلم ذلك تماما ولكن ما لا يعلمه أين يكمن الرضا
حسن سرحت في ايه
هااااا لأ ولا حاجة ليتنهد ويقترح كي يكسر ذلك الروتين الممېت بالنسبة له
ايه رأيك خليك بكرة وانا هاجي معاكم بقالنا مدة مخرجناش مع بعض
تهللت أساريرها ونهضت تجلس على ساقيه وقالت
بجد يا حسن طب احلف علشان أصدقك
قهقه على طريقتها وسألها بمشاكسة
من غير ما احلف انت بتصدقيني ليمرغ أنفه بوجهها و يهمس
مش كده ولا ايه
هزت رأسها بقوة تأكد حديثه وأخبرته بمكنون قلبها بكل عفوية وهي تهيم به
أيوة بصدقك وعارفة انك عمرك ما تكدب عليا علشان انت حبيبي يا حسن وكل دنيتي ربنا يخليك ليا
ابتلع غصة مريرة في حلقه وهو يشعر ان كلماتها تلك رغم صدقها إلا أنها هوت على قلبه كالسياط وجعلت ضميره ينهش به ولكن هيء له شيطانه شيء آخر و جعله يهمهم
رهف ابقي غيري تسريحة شعرك مش عجباني
زاغت نظراتها وأخذت تتحسس شعرها المنسدل بعدم ثقة يحاول زرعها بها وكأنه يتعمد ان يجعل ثقتها بنفسها معډومة ولذلك تبحث دائما عن التغير لأرضاءه ولكن هو ابعد ما يكون عن تفكيرها فهو فقط يتعمد أحباطها كي لا يستشعر كونها أفضل منه وخطائة مثله يبحث عن نواقصها بدقة شديدة حتى يقنع ذاته انها تستحق تلك الخطيئة التي يرتكبها بحقها فهي من وجهة نظره خطيئة بريئة مبررة
ردت هي بطاعة
حاضر وهغير لونه كمان
ربت على وجنتها وانهضها عن
ساقه ونهض بدوره كي يغادر لعمله لتذكره وهي ټضرب مقدمة رأسها بخفة
كنت هنسى أقولك أصل كلموني من مدرسة الولاد بيفكروك ببقية المصاريف
قلب عينه في ملل وأخبرها وهو يرتدي سترته
نسيت خالص أنت عارفة إن مش فاضي الفترة دي ومضغوط جدا
ليتنهد بيأس ويعاتبها
نفسي تتصرف لوحدك ليه مدفعتهمش انت ما كده او كده الحساب مشترك ومفتوح ليك في اي وقت كنت سحبتي اللي أنت عايزاه وشوفي طلباتهم ايه
مطت هي فمها وقالت بقلة حيلة
انت عارف الكارت اللي بسحب بيه من الولاد ضيعوه و مش بحب زحمة البنوك ولا كمان بحب أخرج لوحدي لتتنهد وتستأنف بكل طواعية من اجله
بس هعمل كده لو هيريحك بس ياريت تكلم مستر فهميعلشان ميعطلنيش كتير
هز رأسه بتفهم وهو
يتناول متعلقاته الشخصية وأخبرها وهو يتوجه لباب الشقة
هكلمه اول ما اوصل الشركة وهقوله ميرجعش ليا ويعطلك بعد كده
هزت رأسها ببسمة هادئة وتودعه هي بتلك الدعوات الصادقة التي تنبع من صميم قلبها
في المساء استعدت هي كما طلب منها بعد ان هاتفها وأخبرها أنه انتهى من عمله مبكرا وقرر ان يعوضها ويأخذها لتناول
العشاء معه وها هي تجلس بجواره داخل سيارته ويتوجهون لذلك المطعم الصغير الذي يمتلكه و لم يقصد غيره يوم متحجج بخصوصية المكان وكون أجواءه شاعرية تريح الأعصاب فنعم هو محق تريح الأعصاب لدرجة تشعرك بالملل ويجعلك تود ان تغفى بموضعك من رتابته
تنهدت بضيق ما ان أوقف السيارة وهي تظن أنهم وصلوا لوجهتهم ولكن جحظت عيناها عندما وجدته يصف سيارته أمام منزل ميرال صديقتها
لتهمس بعدم تصديق
يامن جابتنا هنا ليه
نظر لها بتلك العيون الدافئة وقال ببعض التهاون
مهانش عليا ازعلك و نص ساعة بس ونمشي
لاحظ إشراق وجهها بعد أن كانت
متجهمة طوال الطريق ليشعر ببعض الراحة بينما هي قالت في حماس
حاضر بس انا مجبتش هدية
أخرج من جيب سترته علبة مخملية صغيرة وناولها لها قائلا
عامل حسابي
هزت رأسها بسعادة وهي تطالعه ثم تدلوا من السيارة معا لتلتف له ودون أي مقدمات كانت تشابك أناملها بخصته وهي تنظر له نظرة ممتنة بينما هو استغرب فعلتها ونظر لأيديهم المتشابكة بعيون باسمة تكاد تفضح مكنونها ليتحمحم يجلي صوته ثم أمال رأسه كي يدعوها للدخول لتبتسم هي بسمتها المهلكة تلك وتسير معه إلى الداخل
أخذت تهز
ساقيها بعصبية مفرطة وهي تشاهد تلك التي خالفت توقعاتها وأتت لأحتفالها لا والأنكى أنها أتت به لتثبت لها أنها صاحبة السلطة الكبرى ولا أحد يستطيع تحجيمها أبتسمت ساخرة وهي ترى أصدقائها يتجمعون حولها ويرحبون بها وكأنهم ليسوا نفسهم من كانوا يسخرون منها منذ قليل حقا تبا لنفاقهم قالتها بداخلها وهي تغتصب بسمة مجاملة على ثغرها كي ترحب بها
أهلا نورتي يا نادو
نادين وعايدتها بينما ميرال أثنت على هديتها عندما أخبرتها نادين بكيد انها ذوق يامن مما جعلها لم تزيح بنظراتها عنه بطريقة لم تعجبه بالمرة وخاصة عندما تخابثت وهي تصافحه
ذوقك يجنن بس مش في كل حاجة ياخسارة !!!
قالتها بتهكم وهي تنظر ل نادين من أعلى لأسفل بطريقة متدنية جعلت يامن يضيق عينيه ويتساءل بحدة
أفندم تقصدي أيه
رشقتها نادين بنظرة ڼارية مشټعلة وبررت ببسمة ثابتة استفزت الآخرى أكثر وهي تميل عليه
متركزش معاها تلاقيها شربت كتير زي عادتها
ابتسمت ميرال بإصفرار وباشرت حديثها
انا لسة مشربتش يا نادو وعلشان كده مستغربة خطيبك أصل شكله كيوت خالص مش زي ما بتحكيلنا عنه أنت أكيد ظلماه لتوجه نظراتها له و تتشدق
أصل نادو بتقول عليك وإن كادت تتفوه بالمزيد
زجرتها نادين وقالت كي تغير سير الحديث بدهاء
فستانك يخبل يا ميرال وكمان بس كنت محتاجة تزودي شوية عيونك أصل باين عليك مجهدة من السهر والشرب يا حرااااااااام قالت آخر جملة بتهكم تقصدته والعجيب أن الآخرى تفهمت إلى ماذا ترمي فهي على دراية تامة أن نادين تعلم عنها أكثر مما ينبغي ولكنها لن تشعرها بلذة الأنتصار وإن كادت ترد سبقتها نادين كعادتها بسؤالها المبطن بالتحذير
هو فين أونكل عايزة أسلم عليه
أبتلعت ميرال ريقها بتوتر عندما وجدت أبيها ويهتف
أهلا يا نادين يا بنتي
أزيك يا اونكل أحب اعرفك يامن خطيبي
صافحه يامن بلباقة رغم حنقه من تلك الأجواء التي لم تعجبه بتاتا ولكنه تحامل على ذاته من أجلها لتستأنف هي بدهاء وهي ذراع ميرال
كنت لسه بسأل عليك ميرال علشان أقولك خليها تاخد بالها من صحتها مش عجباني خالص
عقد حاجبيه وسأل أبنته في قلق بين
حاسة بحاجة يا بنتي مالك
نفضت يدها ونفت براسها وببسمة بلهاء أخبرته
بابي أنا كويسة بس نادين بتحب تهزر ياريت تروح تشوف ضيوفك وتسبني مع اصحابي
أومأ لها ببسمة حانية بينما همست نادين بجوار أذنها بتحدي
بلاش أنا يا ميرال وبلاش تعلني الحړب علشان أنت مش قدها
ذلك ما تفوهت به قبل انمتجهة به نحو حلبة الرقص وتشاركه تلك الرقصة الرومانسية الهادئة التي
تعمدت من خلالها أن تكون محط أنظار الجميع تاركة ميرال تلعنها وټلعن غبائها في آن واحد
صباح يوم جديد داخل شركة الإنشاءات التي يملكها صاحب البنيتان القاتمة فقد كان منهمك بعمله حينما دخلت هي بطلتها الأنثاوية الصاړخة وجلست على طرف مكتبه واضعة ساق أمام نظراته التي تأكلها أبتسمت بثقة تفتنه بها ومالت عليه بجزعها وهمست وهي تلاعب ياقة قميصه
هديتك وصلت وعجبتني اوي
ارتفع جانب فمه بزهو وقال
حبيبتي انت تشاوري وانا انفذ
قال آخر جملة بغمزة من بنيتاه لتضحك هي قائلة بدلال
قلبي الحنين انت
ابتسم وبنيتاه تهيم بها وهمس قائلا متناسي وعده لزوجته وأطفاله
أيه رأيك نقضي اليوم مع بعض واسهرك سهرة جنان
نفت بأصبعها أمام وجهه يمينا ويسارا ثم تحججت
ماما مش هترضى دي بتبهدلني لما بتأخر بره
صعب ماما اوي مش كده
سألها بعفوية لم يقصدها ولكنها استغلت
قوله وأكدت
جدا دي پتخاف عليا مۏت وعلشان كده مش بخبي عليها حاجة وقولتلها إن بكون معاك وقولتلها انك عايز تقابلها
زاغت نظراته وسألها بريبة
حكيتلها عني !!!
أجابته بترقب
اه هو انت مضايق !!
لأ بس انا قولتلك رأي في الموضوع ده انا محتاج وقت
لتزفر هي بضيق وتنهض بعصبية قائلة
انا زهقت هفضل مستنية لغاية امتى انت بقالك شهور بتوعدني
هو للدرجة دي انت خاېف منها
أغمض
عينه بقوة يحاول أن يلاحق الموقف رغم حدتها وعصبيتها معه
منار بلاش تستفزيني انا مش بخاف من حد كل الموضوع إني
عايز أمهد لها ومش لاقي فرصة مناسبة
وانا مفكرتش فيا وانت معلقني معاك بقالي شهور
حبيبتي بفكر والله بس ڠصب عني اعذريني وصدقيني انا بقيت مقدرش اعيش من غيرك و نفسي تبقي ليا النهاردة قبل بكرة انا بس محتاج شوية وقت
لتهمهم ببراءة لم تكن ابدا من شيمها وتلاعب بأناملها أطراف شعره بحركة أرهقته
انت عارف إن مش انانية ومش عايزه اخرب بيتك بس انا
هي اللي جابته لنفسها وفكرت تلعب معايا وكان لازم اوقفها عند حدها
ليأتيها الرد من الطرف الآخر
من يوم اللي حصل وطارق سابها وهي مش طيقاك فاكرة انك أنت السبب
رفعت جانب فمها هازئة وتشدقت
اللي يشوف كده يا منة يقول أنها كانت بتحب طارق وفرق معاها دي مقضياها وكل يوم بتصاحب واحد جديد
اجابتها منه
دي بتقول انك أنت اللي
