رواية خطايا بريئة بقلم ميرا كريم
بوهن وبعيون مغلقة وهي تتشبث به أكثر دليل على رفضها مما جعله
يتنهد بعمق ويقول وهو يجلسها برفق
أنا مش هعرف اتصرف
نفت هي مرة أخرى وكادت تجهش بالبكاء وتزوم بطريقة جعلته يشعر بالضيق من تيبس رأسها
هغير هدومي علشان اتبلت وارجعلك
وهو يرمق تلك التي تسقط في سبات عميق
بقت أحسن
أومأت ثريا وأخبرته بصوت خفيض كي لا تقلقها
السخونية نزلت شوية الحمد لله بس كان نفسي أأكلها حاجة تسند قلبها وهي يا حبة قلبي غرقانة في النوم ومش هاين عليا اقلق منامها واصحيها
هز رأسه بتفهم وقال
إن شاء هتبقى احسن لما تصحى ويقول بنبرة رغم ثباتها إلا ان ثريا تيقنت ما يغوص بها من قلق يحاول أن يخفيه
تقدري تروحي ترتاحي يا ماما انا هقعد جنبها
كانت تعلم أن ابنها يجاهد ذاته من أجل تلك الغافية ولذلك لم تعترض بل وافقت قائلة
ماشي يا حبيبي ولو احتجت حاجة نادي عليا
ابتسم بسمة عابرة وأومأ لها لتتركه والدته و يجلس هو على المقعد بجانب فراشها ينظر لها أثناء نومها بنظرات عميقة وبتنهيدات حاړقة يستغرب تلك البراءة التي تشع من ملامحها الآن وتنافي أفعالها فمن يراها بتلك الهيئة الملائكية ينخدع بها مثله تماما
وأثناء شروده ومداهمة أفكاره تململت هي بوهن وسعلت عدة مرات قائلة بضعف
عطشانة
هب واقفا وملأ كوب من الدورق الذي يعتلي الكومود وناولها إياه
ولكنها حاولت ان تعتدل وفشلت جلس بجانبها ومد ذراعه خلف ظهرها يرفع جسدها قليلا كي يدعم جلستها بيد وباليد الآخرى قرب كوب الماء من فمها لترتشف هي منه وعيناها الواهنة معلقة عليه وإن أنتهت وضع الكوب على الكومود وسحب يده من خلف ظهرها كي يمددها من جديد ولكن كان لها رأي آخر
خليك جنبي
تجمدت نظراته من طلبها ورد بنبرة هادئة نسبيا خالية من أي لين وهو يظن أنها حيلة آخرى من حيلها الملتوية للتأثير عليه غافل كون أحتياجها صادق غير مصتنع
ارتاحي يا نادين أنت تعبانة ومش في وعيك
يود أن يتبرأ منه لذلك دفعها عنه برفق وقال بنبرة ثابتة جاهد كي يتقنها
مش عايز
كانت هي رغم وهنها وكونها ليست بكامل وعيها إلا أنها أصرت عليه وترجته بضعف من جديد وكأنها كغريق يتعلق ب طوق نجاة
خليك علشان خاطري
تعلقت بنيتاه الثائرة بعيناها وهو يقسم انه لن ينخدع مرة أخرى وحاول بكل ما اوتي من قوة ان لا يضعف ويظل يقاوم تأثيرها عليه ولكن تفاقم الأمر وزاده ارتباك حين همست بأسمه بتلك الطريقة التي تعبث بثباته بعدما مدت يدها
يامن خليك
تثاقلت أنفاسه وطلب منها بإضطراب وهو يحل يدها قبل أن يفقد سيطرته
نادين انت مش في وعيك
لم تستوعب حديثه وكأنها بعالم آخر بين الوعي ولا وعي فقد مالت أكثر
متسبنيش انا محتجاك
بتعملي فيا كده ليه حرام عليك
لم يصدر منها شيء مما جعله يتفهم ما أصابها
صباح يوم
جديد داخل الحرم الجامعي
كانت تخطو بخطى واسعة نحو كافتيريا الجامعة كي تجلب أي شيء يساعدها على التركيز في بادئ ذلك اليوم العصيب المليء بالمحاضرات ولكن اوقفها صوته
أنسة نغم
توقفت ترمقه بنفور ظهر بين على ملامحها وهدرت بجدية شديدة
أفندم
تحمحم طارق بحرج من جديتها الزائدة وسألها
كنت هسألك على نادو أصل من فترة حصل مشكلة وكلنا قلقانين عليها
جعدت ما بين حاجبيها وهي تضم كتبها واستفسرت بقلق
مشكلة ايه
طب ممكن نقعد واحكيلك اللي حصل
أسفة مش بقعد مع حد اتكلم وخلصني
أخبرها طارق بما حدث ولكن بالطبع أخفى الجزء
الذي يخصه فمنذ ما حدث وهو يكاد يجن و يحاول التواصل مع نادين بشتى الطرق لكن بلا جدوى حتى انه توصل به الحال إن يمكث أمام منزلها لعله يلمحها فقط ولكن كافة محاولاته باءت بالفشل
وكونه يعلم أن جميع أفراد شلتهم لا أحد يكترث لها ولا يجرؤ للذهاب لمنزلها خوفا من ردة فعل ذلك الغبي ولذلك لم يكن أمامه غير الشيخة نغم كما يطلقون عليها
هتساعديني نطمن عليها
نظرت له شذرا من أعلاه لأخمص قدمه وقالت بجدية شديدة
أكيد أنتو اللي اقنعتوها تخرج معاكم وبسببكم حصل كل ده
نفى برأسه قائلا
لأ أنت فاهمة غلط
قاطعته هي بنبرة آمرة وهي ترفع سبابتها بتحذير
مش عايزة اسمع حاجة وابعدوا عنها نادين مش شبهكم وانت بالذات ملكش دعوة بيها نادين مكتوب كتبها وجوزها بيحبها وصدقني كل اللي بتعمله ده مفيش منه فايدة
هز رأسه يسايرها وهو يدعي البراءة
صدقيني مفيش حاجة بيني وبينها بس هي زميلتنا
ولازم نطمن عليها ارجوك بلاش تفهميني غلط
زفرت بنفاذ صبر وأخبرته قبل أن تغادر
كنت بتمنى اكون فهماك غلط بس للأسف نواياك ڤضحاك وباينة في عينك
نفخ أوداجه وزفر بنفاذ صبر مما جعلها تخبره بحدة وبذات النبرة الآمرة
ياريت تطلعها من دماغك و تدور على حد شبهك
لتغادر هي تاركته يجلس على اقرب مقعد ويخرج هاتفه وينقر على شاشته إلى أن توصل لشيء بعينه لتنمو بسمة آملة على محياه ويصر أكثر على ما برأسه فلن يبتعد مهما كلفه الأمر وحتى إن ضاقت به السبل فا هو يملك بين يديه دليل قاطع كونها تخصه هو
أنت كويسة
نظرت له ببهوت وهي مازالت ساهمة ليمد انامله يتحسس جبينها ويقول بارتياح حاول ان يخفيه عنها
مفيش حرارة
ليعتدل بنومته ويسألها بثبات وهو يتعمد أن لا يتطرق لم حدث بينهم كي لا يخجلها
حاسة انك احسن
ابتلعت غصة بحلقها وردت عليه بأخر شيء توقعه منها وهي تجلس نصف جلسة
هو أيه اللي حصل انا مش فاكرة حاجة
تعمدت أن تتصنع جهلها مما جعله
يجعد حاجبيه ينظر لها يظن انه يهيء له ما سمع ولكن لكونه يعلمها تمام المعرفة تفهم أسباب ادعائها
لم تنتظر حتى رده واستأنفت وهي مطرقة الرأس كي تغير سير الحديث بنبرة مازالت تحمل لمحة من ذلك التمرد اللعېن
أنا عارفة إن اسبابي عمرها ما هتقنعك بس عايزاك تعرف ان مكنش قصدي أأذي مامتك
يعلم أن لا فائدة منها فرأسها يابس ولن تتغير على أي حال ولكن شيء ما بداخله كان يخبره أن يوجد سبب خفي وراء أفعالها وترفض البوح به وحتى إن باحت فذلك لم يغير شيء فخطئها فادح بالنسبة له مهما كان أسبابه وبالطبع يصعب عليه أن يمرره بتلك السهولة فإن كانت تظن أن تقاربهم ليلة أمس سيؤثر عليه ويجعله يتغاضى فحتما هي مخطئة فقد تنهد بعمق وهو يشملها بطريقة مبهمة لم تستشف هي منها
شيء إلا حين تفوه قائلا
وفري اسبابك لنفسك علشان مستحيل اصدقك تاني ولو كنت فاكرة إن بطريقتك دي هتخلينى نرجع زي الاول فأنت غلطانة
رفعت سودويتها المشتتة له وإن كادت تتفوه مدافعة عن ذاتها باغتها هو بصرامة وبنبرة ثابتة وهو يوليها ظهره ويجلس على طرف الفراش ويسند مرفقيه على ساقيه
قراراتي مش هرجع فيها
لتعترض هي بتمرد وبنبرة اندس بين طياتها لمحة من العتاب الخفي
بس أنت عاقبتني ومديت أيدك عليا لأول مرة واظن ده كفاية علشان تثبت سلطتك عليا
زفر حانقا وأخذ يفرك ذقنه ثم الټفت ينظر لها نظرة مبهمة أربكتها وجعلت عيناها تغيم وهي تبحث عن دفء عيناه
ولكن لم تجد شيء غير الجمود الذي جمد أطرافها حين قال وهو يهب واقفا دون أي لمحة تهاون واحدة
مش أنت اللي تقرري وأي حاجة صدرت مني نحيتك فكانت رد فعل منطقي لمصايبك أنا عمري ما كنت همجي معاك وطول عمري بحترمك وعمري ما فكرت اهينك بس انت اللي أضطرتيني لكده وخرجتني عن شعوري
ذلك أخر شيء تفوه به قبل أن يغادر تاركها تنظر لأثره بملامح بائسة حزينة بسبب تبريره للأمر حتى أنه لم يمهلها وقت كاف ليستمع لردها التي عجزت عنه فكان من المفترض أن تثور عليه لتوها لتعنيفه لها وتنقم عليه أكثر ولكن شيء ما بداخلها كان يود شيء أخر حقا لا تعلم ما
أصابها فهي مشتتة ضائعة لا تعلم أين الصواب أتتمرد عليه من جديد وتنقم عليه وتظل تتمسك بهواجس عقلها أم تنصاع لأنين قلبها و تصرخ بكل صوتها وتطلب منه أن يغفر لها خطيئتها حقا هي في حالة صراع ترثى لها ولكن يا ترى متى ستتوقف تلك الحړب الطاحنة التي تفتك بها
أما عنه فقد اقنعها بصعوبة بالغة أن لابد من العودة وقطع عطلتهم لأسباب تخص العمل فقد تعذر عليهم التواصل معه لذلك لجئوا ل يامن بالنيابة عنه وأخبره بضرورة حضوره لمقر الشركة نعم كڈب عليها ولكن ليس أمامه خيار أخر فقد وعدها أن يعوضها فيما بعد ورغم انها غاضبة منه إلا انه لم يلقي لها بال الآن
فكان كل ما يشغله هو الآخرى التي تجرأت على فعل ذلك به وهاهو يصل تحت بنايته للتو ويتوعد لها أشد الوعيد حتى انه صفع باب سيارته وأخذ يدك الأرض تحت قدمه
ررررررهف أنت فين يا هانم
ررررررررررهف
لم يأته رد مما جعله يستشيط أكثر ويخطو نحو غرفتها ولكن لم يجدها ليخطو نحو غرفة أطفالة وهو يزعق بأسمائهم أيضا ولكن بلا جدوى فكان كمن أصابه نوبة هلع لتوه حين أخذ يبحث في كل أنش بالشقة ولم يجد لهم أي أثر هاجس عابر اتى برأسه وكم تمنى أن يكون كاذبا ولكن لسوء نكبته لم يجد أثر لأغراضهم ايضا تنبأ عقله أن من كان يستخف بقدراتها قد تركته وبكامل إرادتها لا
والأنكى أنها سلبت منه أطفاله وكافة ماله وحينها تصلب جسده وجحظت عيناه پصدمة عارمة غير مستوعب أن رهف المنكسرة الضعيفة خاصته استطاعت أن تتركه فطالما كان يثق في قلة حيلتها ولكنها حقا افحمته بفعلتها
التي لم يتوقع حدوثها في أسوء كوابيسه فما
كان منه غير أن يعدو للخارج وهو يقسم أنه لن يدعها تتخلص منه بتلك السهولة وتسلبه كل شيء فلابد أن يجدها مهما كلفه الأمر
صباح الخير يا بنتي
قالتها ثريا وهي تدلف لغرفتها وبيدها صينية الطعام
في بادئة الأمر استغربت نادين كونه لم يوصد الباب كعادته ولكن ثريا اوضحت لها وهي ترى نظراتها مسلطة على الباب
متقلقيش مش هيحبسك تاني أنا حلفت عليه وهو وعدني
لتستأنف وهي تجلس مواجهة لها على الفراش وتضع الطعام أمامها
والله يا بنتي كان على عيني انا غلوبت معاه بس أنت عارفاه على أد حنيته على أد ما زعله وحش ولما بينشف دماغه مفيش حد بيعرف يقف قصاده
كانت نادين تطالعها بنظرات مشدوهة تستغرب أنها تحدثها دون أن تبدي سوءها من فعلتها ولكن ثريا أخبرتها وهي تدس بفمها ملعقة الحساء
أنا عارفة انك غلطانة وغلطتي في حقي بس أنا مش هعاتبك دلوقتي انت دلوقتي في محڼة ولازم ابقى جنبك هستنى لما تشدي حيلك علشان تعرفي تقنعيني بأسبابك
ابتلعت ما بفمها وقالت وهي منكسة الرأس بحرج
مكنش قصدي أأذيك أنا
قاطعتها ثريا وهي تدس قطعة من لحم الدجاج بفمها
قولتلك هنتعاتب بعدين المهم دلوقتي انك تاكلي علشان تاخدي العلاج و تشدي حيلك
أومأت لها نادين بطاعة لم تكن ابدا من شيمها وهي تحاول جاهدة أن تتغاضى عن أفعالها الحانية التي توقد تلك النيران المتأكلة بضميرها
بتقولي ايه يا نادينمعقول
هدرت بها نغم بتعجب بعدما ذهبت لزيارتها ولكن بالطبع لم تخبرها أن طارق هو من حثها على ذلك لتؤكد نادين
بقولك انا اللي بادرت وخليته يا نغم أنا مش عارفة عملت كده ازاي أنا مكنتش في وعي وهو استغل تعبي
تنهدت نغم وأخبرتها بعقلانية
يا بنتي ده جوزك هو اه مش مستحب لكن يحل ليه وبعدين بلاش تقولي استغل ضعفك وتعبك هو ممكن مشاعره اللي خلته يعمل كده انت عارفة انه بيحبك وبعدين ده راجل يا نادينوليه طاقة بلاش تظلميه ما انت بقالك سنين عايشة معاه في بيت واحد عمره ما فكر من غير إرادتك
لتتذمر هي بعدم اقتناع
يووووه بقى مش عارفة انا من ساعتها وانا هتجن
اهدي يا نادين واحمدي ربنا انه ماقتلكيش بعد عملتك السوده دي
تنهدتنادين وأخبرتها وهي تمرر يدها في خصلاتها
بس هو مقصرش معايا ودغدغ العربية والتابلت وخد التلفون ومد ايده عليا ده حتى ما أعتذرش بعديها
ولا هان عليه يقول أنه غلطان
لتجيبها نغم بكل واقعية
هو فعلا غلط وضړب الزوجة حرام شرعا بس كمان عدم طاعتك ليه ومخالفة أوامره حرام
وبعدين خليك واقعية شوية واعرفي أن أي راجل مكانه كان عمل كده متنسيش اننا في مجتمع شرقي والرجالة فيه ډمها حامي
هزت نادين رأسها وتلك المتمردة بداخلها تتولى الرد عنها
بس ده مش مبرر مقنع بالنسبالي كان يقدر يعاقبني بألف طريقة إلا انه يمد ايده عليا
زفرت نغم بقوة وأخبرتها و هي تعكس الأمر وتوضح الصورة لها
وأنت كمان كان في ألف طريقة علشان تكسبيه بيها بس انت
كنت بتستهتري وبتعاندي لمجرد العند وهو كان بيتحملك وبيطول باله عليك
تقدري تقوليلي ايه اللي كان غصبه غير انه بيحبك و اوعي تقوليلي فلوسك فلوسك دي ملهاش قيمة قصاد كبريائه كراجل ولا قدام أذية امه بسببك أنا لغاية دلوقتي مش قادرة اصدق انك عملتي كده
لوحت نادين وعارضتها
يوووووه بقى أنت متحاملة ليه عليا قولتلك مكنتش عايزة أأذيها شكلي انا اللي غلطانة إني حكتلك من الاساس وبعدين يا شيخة نغم لو انا وحشة كده مصحباني ليه ما تقطعي علاقتك بيا وتريحي نفسك
نظرت لها نغم نظرة معاتبة لأبعد حد وردت بعقلانية وهي تكاد تنهض و تنوي المغادرة
عارفة أنا كل مرة أقول أيه اللي مصبرني عليك ومخليني أصاحبك لغاية دلوقتي رغم كل البلاوي اللي اعرفها عنك بس بقول يمكن ربنا عايزني أفوقك يا نادين وابقى مرايتك اللي اعريك قدام نفسك انا نفسي تبطلي
تتحاملي عليه وعلى الست الطيبة اللي ربتك هما مش سبب نكبتك يا نادين وملهمش دخل بالأفكار اللي في دماغك
زفرت نادين بضيق وغامت عيناها تمنعها قائلة بندم حقيقي
آنا آسفة يا نغم والله مش قاصدي أزعلك أنت عارفة إني مش برتاح غير ليك لتفر دمعاتها وهي تسند ظهرها على جذع الفراش وتقول بتشتت وضياع طفلة فقدت أبويها ولا تعلم أين سبيل آمانها
انا مش عارفة مالي متلخبطة وتايهة علشان خاطري بلاش تزعلي مني انت معاك حق وانا عارفة بس ڠصب عني بلاقي نفسي
بعاند بكره تحكماته بكره سلطته عليا فكرة أنه مفروض عليا دي بتخليني عايزة اهرب وأخرج عن المألوف ديما وحتى لما بعاند معاه كان بيكسرني ويفرض سلطته عليا وعمره ما سأل نفسه انا بعمل كده ليه انا موافقاك على كل حاجة بس هو سبب نكبتي فعلا هو و الست الطيبة اللي انت تقصديها سبب مۏت أمي لتشهق پبكاء مرير وتضيف بنبرة مخټنقة تدمي القلب
الست دي كانت اقرب واحدة لأمي ومع ذلك غدرت بيها و ضحكت على ابويا وطمعت فيه لنفسها واتجوزته لو مكنتش هي عملت كده مكنش زمان امي موتت نفسها ومكنش زمانها سابتني ولا اتخلت عن حياتها
فرت دمعات نغم بتضامن معها وقالت وهي تجلس من جديد بجانبها ولكن تلك المرة وتربت على ظهرها قائلة بمواساة
ده قدرها وآجلها كده وربنا سبحانه وتعالى قال فإذا جاء أجلهم لا يستأخرون ساعة ولا يستقدمون
ادعيلها بالرحمة وأنسي كل اللي فات وابدأي صفحة جديدة مع نفسك وبصي لحياتك من منظور تاني متفضلش طول عمرك باصة وراك علشان عمرك ما هتيجي خطوة لقدام
اومأت لها من بين نحيبها لتشدد نغم وتظل تحفزها على العمل بنصيحتها غافلين عن تلك التي استمعت لجزء كبير من حديثهم دون قصد فقد نخر الألم قلبها وتثاقل عقلها بالذكريات المريرة وقررت ان تخالف وعدها ل غالية فلامجال من أخفاء الأمر أكثر طالما الأمر ينغص عليهم صفو حياتهم فلابد أن تخبرها بكل شيء وتدعو أن يسامحها الله كونها ستنقض وعدها
كان يعلم أنها لن تلجأ إلا لها ولذلك كان يطرق على باب شقتها زاعقا ما أن فتحت له
هي فين
جعدت سعاد حاجبيها وادعت جهلها
انت بتزعق ليه ايه الھمجية بتاعتك دي
أزاحها عن طريقه وهدر غاضبا
أنت لسة شوفتي همجية ده انا هفضحكم واخلي اللي ما يشتري يتفرج عليك انت وبنت عمك
تأهبت سعاد بعدائية وهدرت بشجاعة لطالما كانت تميزها
اعلى ما في خيلك أركبه ولو فاكر أني هخاف من واحد زيك تبقى غلطان
جز على نواجذه وصاح بغيظ
لأ لازم تخافي علشان أنا متأكد مليون في المية ان ده من تدبيرك أنت مراتي أضعف من أنها تعمل حاجة زي كده من نفسها
حانت من سعاد بسمة متهكمة وأخبرته بتشفي واضح
صدقني لو في حد ورا قرارها ده فهو أنانيتك وقهرك ليها
لم يعجبه حديثها بالمرة حتى ان معالم وجهه تقلصت وهدر بعروق مشدودة وبعيون يحتلها الڠضب وهو يلوح بيده امام وجهها ساخطا
أنا مش ناقص مواعظ وحكم من جنابك وبعدين ده انا اوديها في ستين داهية دي سرقتني وخطفت ولادي
رفعت سعاد حاجبيها وهدرت بغيظ شديد وهي تلوح بيدها امام وجهه دون أن تهاب غضبه
رهف مش حرامية ومحدش بيخطف ولاده انت اللي
كادت سعاد أن تسبه وتفش غليلها منه ولكن رهف قاطعتها بعدما خرجت لتوها من احد الغرف و استمعت لجزء
من مشادتهم
سعاد كفاية لو سمحتي
كبحت سعاد رغبتها بصعوبة بالغة عنه فكان هو جاحظ العينين يستنكر ما كانت تنوي أن تتفوه به وما أن صدر صوت رهف اختصر المسافة بينه وبيها بخطوتان
عجبك الفضايح دي وقلة القيمة ماشي يا رهف بقى انا يتعمل فيا كده
شهقت سعادوقالت بدفاع مستميت وهي تندفع نحوه
انت اټجننت عايز تمد ايدك عليها كمان
ليرد هو متجبرت
دي مراتي واكسر
رهف من قبضته وقالت بنفاذ صبر
كفاية بقى ياريت تتكلم بأسلوب احسن
من ده علشان نوصل لحل
ترك ذراعها و ولاها ظهره يمرر أنامله بخصلاته بطريقة فوضوية كي يهدأ بينما هي طلبت من سعاد بعيون راجية
سبيني معاه يا سعاد لو سمحتي
كادت أن تعترض سعاد فهي تخشى ان ېؤذيها ولكن رهف طمئنتها بعيناها وحثتها على تركها لتنصاع لها قائلة بنبرة عدائية وهي تشمله بنظرة تحذيرية
تمام انا هجيب حاجات من السوبر ماركت قبل ما الولاد يرجعوا من المدرسة عشر دقايق ومش هتأخر عليك
أومات لهارهف وحين غادرت هدر هو بنبرة غاضبة للغاية
سحبتي الفلوس كلها ليه
أجابته بنبرة ثابتة عكس ثورة دواخلها
وايه المشكلة هو مش أنا وأنت واحد وأنت دايما تقولي خدي اللي انت عايزاه
جز على نواجذه و صړخ بإنفعال
رررررررررررررهف بلاش استفزاز وديتي الفلوس فين وازاي في البنك محدش رجعلي ده انا هوديهم في داهية
وضحت وهي ترفع منكبيها ببرود تعمدته و استفزه بشدة
هما نفذوا تعليماتك انت نسيت انك أنت بنفسك قولتهم ينفذوا كل أوامري و ميرجعوش ليك
وصړخ أمام وجهها وهو يأرجحها
بين يده
انت مخططة بقى لكل حاجة
أد ايه أنت خبيثة أنا ازاي كنت مخدوع فيك!!
نفضت يده التي وقد تخلت أخيرا عن دور الثبات التي تدعيه وهدرت موضحة
بكل ثقة
انا مش خبيثة دي فلوسي وفلوس ولادي وانا أخدت حقهم
زئر بقوة من استفزازها وتناول أحد المزهريات القريبة وقڈفها بالحائط خلفها مماجعلها تنكمش وتحمي رأسها كردة فعل تلقائية منها
ليثور هو وكأن عقله يرفض الاستيعاب بعد
أنا مش قادر أصدق ازاي يجيلك الجرأة وتعملي كده اكيد ده تخطيط سعاد هانم بنت عمك هي اللي عصتك عليا وخلتك تسرقيني
رفعت جانب فمها هازئة من اتهامه وحقا أصبحت تمقت دور الضحېة التي يتقمصه وكأنه ملاك و لم يخطئ مطلقا فسابقا كانت تتركه يتحامل عليها ويعلق عليها كافة اخطائه وينسبها لها ولكن الأن قد زالت تلك الغشاوة التي تحجب رؤيتها ولن تسمح له أن ېؤذيها أكثر لذلك رشقته بنظرات متخاذلة كي تذكره بفعلته وردت بنبرة مفعمة بالثقة
أنا مش محتاجة حد يعصيني كل الحكاية إني عرفتك على حقيقتك
ومالها حقيقتي بقى يا هانم مش عجباك دلوقتي علشان قررت اعوض النقص اللي أنت مش عارفة تكمليه بزوجة تانية
كفى حقا اكتفيت ذلك ما صړخ به عقلها وجعلها تهاجمه بحديثها بشراسة قتالية فاجأته كثيرا وجعلت نيران غضبه تتأجج أكثر
النقص في دماغك وفي رجولتك مش فيا
جز على نواجذه من اهانتها و وهدر من بين اسنانه وهو
يربت على وجنتها بشيء من القسۏة و بطريقة مستخفة
احترمي نفسك أحسنلك انا بس عامل اعتبار أنك حامل ومش عايز اتغابى عليك خليك عاقلة يا رهف ورجعي الفلوس وارجعي بيتك ويا دار مادخلك شړ
تراجعت برأسها لتبتعد عن مرمى يده بملامح متقلصة نافرة و لوهلة أخذت تتأمل وجهه بنظرة مطولة وكأنها تراه لأول مرة شعر بالريبة من نظراتها وضيق قاتمتيه وهو لا يستسيغ ردود أفعالها التي تجرأت للتو واڼفجرت به قائلة بكل ثقة وهي تتعمد أن تنظر داخل عمق عينه بتحدي بائن وكأنها أرادت أن تكشف الستار عن تلك القناعات التي تبدلت بداخلها بفضله
انت عارف ايه مشكلتك أنك حد تفكيره محدود عمره ماعرف ازاي يرضى باللي ربنا قسمه له ده غير انك
كنت بتضغط عليا بكل قوتك وأنت عارف إني هتحمل كنت بتستغل حبي ليك وإن مليش حد غيرك وبتستقوى عليا ونسيت أن ليا طاقة وكنت دايما بتتحامل عليا وتطلعني مذنبة لغاية مخلتني فعلا اصدق اني حد وحش وميتعاشرش خليت ثقتي في نفسي معډومة من كتر ما بتنتقدني وتعدل عليا حتى ولادي مسلموش من أذاك وتصرفاتك أثرت بالسلب على نفسيتهم وسلوكهم
لتتناول نفس عميق مثقل بالكثير وتضيف وهي تهز رأسها ببسمة ساخرة تحمل الكثير من الخذلان
وكأن كل ده مكنش كافي ليك علشان تأذيني و دوست على كرامتي بجزمتك واتهمتني بالنقص علشان تروح تترمى في واحدة تانية و معملتش حساب لأي حاجة غير انك ترضي غريزتك وبس والمفروض إني اتحمل برضو وأصبر علشان مليش غيرك لأ انا بعترفلك انا السبب كنت مغيبة وخليتك تستغل نقط ضعفي و اديتك الفرصة أنك تطعن انوثتي وتدوس عليا لكن دلوقتي انا فوقت واتشالت الغشاوة من على عيني و مستحيل اسيبك تاخد حقي وحق ولادي وتضيعه على واحدة تانية بأكدلك بعلو صوتي لهنا ولأ وألف لأ كمان أنا مش هرجع قرش واحد ليك وعمري ما هرجع بيتك تاني ولو كنت
طلبت الطلاق مرة عمري ما هتذللك تاني وهعرف ازاي اخلص منك
كانت تتحدث بتشنج و دفعة واحدة وبنبرة رغم ثباتها ولكنها كانت محملة بالألم والخذلان بين طياتها فكل انش بداخل هشيمها يحفزها على الصمود حتى عيناها كانت أبية ترفض أن تذرف الدموع هدر من أجله فيكفي ما فاضت به في الأيام السابقة ونعت به حظ قلبها فكانت في صميمها تقرر أن تثأر لكبريائها
وتتخلى عن لين قلبها وتتحلى بالقوة التي كانت تتوارى دائما خلف رداء الطاعة والولاء له فيبدو أنها كانت تدخرها ليوم كذلك كي تواجهه بما كان يغوص بقلبها ويثقل خفقاته حد العناء
حديثها كان متحدي له و مهين لكبريائه كرجل ولذلك صړخ بها بهياج شديد وبجبروت مقيت سيندم عليه
عمرك ما هتعرفي تخلصي مني و اسمعي بقى طلاق مش هطلق وهسيبك كده زي البيت الوقف وڠصب عنك يا رهف لازم ترضي بالأمر الواقع
نفت برأسها برفض قاطع وبعيون متحدية وما إن كادت تعترض باغتها هو
بلاش تتسرعي وفكري في ولادك وعلشان خاطر العشرة اللي بينا هطلع معاك جدع و هديك مهلة تهدي وتشيلي الافكار المسمۏمة دي من دماغك وفي ظرف يومين أتنين تكوني رجعتي بيتك ومعاك الفلوس يأما إقسم بالله ليكون ليا تصرف عمره ما هيعجبك ابدا
اجابته بإصرار وبكل ثقة دون أن تفكر حتى بوعيده وكأنها خططت لشيء آخر يردعه
مش هرجع أنا مستحيل اعيش تاني مع واحد زيك
زمجر من جديد بنفاذ صبر وهو يحكم قبضته على ذراعها پغضب أعمى وشيطانه مازال مصر كونها أضعف من
تلك القوة التي تدعيها وأهون من ذلك الإصرار المقيت
هوريك الحقېر ده
هيعمل ايه
لما تنزلي ولادك وميرجعوش تاني و وقتها وحياتك لهخليك رجلي علشان ترجعيلي تاني
عند ذكر ابنائها احتل الخۏف عيناها و شعرت بغريزتها الأمومية تنهش بها وتحثها على شيء ترتعب أن تضطر له ليصدر صوتها مهزوز بعض الشيء حين قالت
متقدرتش تاخدهم
صدر من فمه صوت ساخط كعادته عندما يستخف بشيء وهسهس أمام وجهها
لأ اقدر وهتشوف ازاي هقنع الدنيا كلها انك حرامية وقليلة الأصل و ولادك ساعتها هما اللي هيتبرو منك ويستعرو أن أنك أمهم واحدة شبهك
نفت برأسها بعدم استيعاب وصړخت به
انت ازاي حقېر كده
غضبه أعماه على الأخير من تطاولها معه فكان يشعر بغل وغيظ شديد جعله لم يتحكم بردود فعله حين دفعها بكل غل واسقطها على تلك الأرض الصلبة القاسېة التي ما إن ارتطمت بها صړخت صړخة مدوية من شدتها جعلت سعاد التي كانت تتسلق درج البناية بروية تهرع لها وما إن فتحت باب الشقة و وجدتها طريحة بالأرض صړخت به ودفعته بقوة خارج منزلها قائلة بعدائية شديدة
منك لله يا حيوان اطلع برة ومتورناش وشك تاني
حانت منه بسمة متجبرتة وصدر من فمه ذلك الصوت الساخر الذي يشتهر به وهسهس بوعيد قبل أن يغادر
همشي وهما يومين بس يا رهف وتنفذي اللي قولت عليه أحسن ما هوريك الحقېر اللي مش عجبك ده هيعمل فيك ايه
ذلك أخر شيء تفوه به قبل أن تدفعه سعاد دفعة أخيرة خارج باب شقتها وتغلق الباب بوجهه بكل قوة جعلته يستشيط أكثر وأكثر وهو يغادر بخطوات واسعة يتأكلها الڠضب
بينما هي كانت مازالت طريحة بأرضها حين هرولت لها سعاد قائلة بنبرة نادمة متحسرة على ما أصابها وهي تحاول أن تساعدها كي تنهض
مكنش لازم اسيبكم سوا بس أنت اللي اصريتي
وحينها تفسد جبينها بالعرق و انهمرت دمعاتها پقهر لا مثيل له وهي تشعر بأنسلاخ قطعة من روحها
لتصرخ صړخة ممزقة نابعة من أعماق أحشائها التي يبدو انها حتى هي رفضت أن تحتفظ بشيء يخصه
لتغمغم پقهر وبنبرة مرتعشة واهنة من شدة الألم
اه ه ه ه ه ه ه ه ه ألحقيني ياسعاد
الثامن عشر
بعد صړختها المدوية شهقت سعاد بقوة وبرقت عيناها وصاحت بجزع وهي ترى بقعة من الډماء تلوث ملابسها
رهف انت پتنزفي!
نفت رهف برأسها بضعف وكأن عقلها يرفض أن يستوعب أن تلك الخيوط الدافئة التي شعرت بها ماهي إلا بشارة خسارتها فما كان منها غير أن تغمغم پقهر
البيبي
ه ه ه ه ه ه
تأوهت بقوة وهي تشعر أن الألم يتعدى قوة احتمالها فكانت حرفيا تشعر بأن شفرات حادة تمزق أحشائها فما كان منها غير أن تستسلم لذلك الظلام الذي سحبها بداومته وأسقطها فاقدة للوعي تاركة سعاد في حالة من الهلع تصرخ بإسمها وتربت على وجنتها ولكن دون جدوى فكانت هامدة وملامحها شاحبة تحاكي المۏتى مما جعل سعاد تهب بأعصاب تالفة تتناول الهاتف لطلب المساعدة ودمعاتها تنهل من عيناها تشوش رؤيتها طرقات قوية على
باب الشقة فزعتها واسقطت الهاتف من يدها بعدما حاولت جاهدة السيطرة على ارتجاف يدها كي تتحكم بشاشته ولكن لم تفعل لتهرول راكضة تفتح الباب بتلهف شديد لتجد حارس البناية يقف أمام باب شقتها وعدة أشخاص من جيرانها يقفون وقبل أن تطلب المساعدة صدر صوت الحارس قائلا
لامؤاخذة يا ست
سعاد السكان سمعوا صوت زعيج وصړاخ من حداكم خير في حاجة
هزت رأسها بقوة واندفعت بالحديث مستنجدة
ايوة حد يلحقني بنت عمي قاطعة النفس
وقبل أن تستأنف حديثها اندفع شخص من بين الحاضرين وأخبرها أنه طبيب وبعد أن تخطاها للداخل جثى على ركبتيه وتحسس نبض رهف وعاينها معاينة سريعة بعيون خبيرة وقال بعملية
لازم تتنقل للمستشفى فورا النبض ضعيف والڼزيف لازم يوقف
وافقته سعاد بحركة من رأسها وهي تنتحب بقوة على حال رفيقتها
لتندفع سيدة من جيرانها وتدعى كريمة وتقول بتعاطف
يا حول الله يارب مستني أيه يا ابني البنت هتروح مننا اتصرف
أجابها بسرعة بديهية
انا عربيتي تحت البيت هخدها على المستشفى فورا
قالها وهو ينظر بعينه على ارجاء الغرفة وكأنه يبحث عن شيء بعينه وإن وجد غايته خطى نحو طاولة الطعام التي تتوسط الردهة وسحب ذلك المفرش الثقيل ووضعه على جسدها المسجى ارضا ثم انحنى بجذعه برفق و هرول مسرعا إلى الخارج وقد تبعته سعاد باكية لا تفكر بشيء فقط تدعو لها تاركين خلفهم تجمع جيرانهم الذي انتشر بينهم الكثير من الهمهمات والأقاويل المتعاطفة
ممكن تهدى علشان أفهم
قالها يامنبنفاذ صبر بعدما
حضر حسن لتوه وظل يدور حول نفسه كالثور الهائج
ليجيبه هو بانفعال
أنا ازاي كنت مغفل
كده دي خططت ونفذت وأنا شبه الأهبل مخونتهاش
يا اخي اهدى بقى خيلت امي فيها ايه يعني لما خدت شوية فلوس من حسابك
أنت هتقولي فيها ايه بقولك الهانم سرقتني وسحبت كل فلوسي ده غير أن بنت عمها مقويها ومخلياها عايزة تتطلق
تناول يامن نفس عميق وقال باستغراب شديد
انا مش مصدق أنك بتتكلم عن رهف!
ليتهكم حسن بعدما صدر من فمه ذلك الصوت الساخر المعتاد
لأ صدقرهف الطيبة المنكسرة اللي كلكم كنتوا بتيجو عليا علشانها طلعت خبيثة وسرقتني لأ وكمان سابت البيت وبتقولي مستحيل ارجع اعيش مع واحد زيك
زفر يامن بقوة وقال بفطنة وبنبرة ماكرة
بقولك ايه متلفش وتدور عليا أنا حافظك كويس هات من الأخر وقولي عملت أيه وصلها لكده!
زاغت عين حسن بتوتر ومرر يده بخصلاته الفحمية وهو يتيقن أن لا مفر من إخباره بالحقيقة كاملة ولذلك تحاشى النظر له وقال بنبرة مهتزة بعض الشيء
ما أجرمتش انا عملت زي ما شرع ربنا قال واتجوزت
جعديامن حاجبيه وكرر بعدم استيعاب
اتجوزت
أكد حسن باقتناع تام
ايوة اتجوزت ده حقي وبعدين هي اللي كانت مقصرة معايا و اضطرتني لكده
ضړب يامن كف على آخر وتمتم بعدم رضا موبخا اياه
مقصرة ايه يا ضلالي دي مراتك قايدة صوابعها العشرة شمع علشانك بطل بقى ترمي عليها واتقي الله واعترف أنك أنت اللي دني وميملاش عينك غير التراب
لوح حسن بيده وقال وشيطانه يغشى على عينه وهو يشعل أحد سجائره كي ينفث بها غضبه
انا مش دني انا حبيت منار وبعدين مبسوط معاها ورهف ڠصب عنها لازم تتقبل الوضع برضاها او ڠصب عنها خلاص اللي حصل حصل مفروض تعيش وترضى وتربي عيالها
تأفف يامن من طريقة تفكير ابنة خالته العقيمة وقال بجدية شديدة
أنت قررت تتجوز وتستغل اللي الشرع حلله ليك بس هي كمان من حقها تختار يا تقبل او متقبلش وصدقني
في الحالتين انت اللي خسران لأن لو قبلت هتفضل تنغص عليك عيشتك و عمرها ما هتنسى أنك كسرتها واتجوزت عليها ولو مقبلتش وصممت على الطلاق يبقى شتت عيالك و خربت بيتك وضيعت الست الأصيلة اللي طول عمرها مستحملاك رغم طباعك الزفت
فارت الډماء برأسه من حديثه ليجد نفسه ېصرخ بهياج شديد بعد أن خيل الأمر برأسه
مش هيحصل ولادي هاخدهم منها ڠصب عن عينها وهجبرها ترجع بيتها وترضى بالأمر الواقع بس طبعا بعد ما رجلي وتعتذرلي وترجعلي كل قرش خدته
زفر يامن بقوة من تجبر ابن خالته وهدر قائلا بحدة
أنت باين عليك اټجننت عايز تغصبها وتلوي دراعها بالعيال علشان تتقبل جوازك ده إيه الجبروت اللي أنت فيه ده يا اخي! وبعدين ما الفلوس بتاعتها وكل اللي انت وصلتله ده كان بفضلها ولا أنت نسيت
لم يعجبه الحديث وانفعل قائلا بحمئة غبية
يوووه بقولك ايه انا غلطان اني جتلك وأنا عارف أنك عمرك ما هتفهمني ولا هتقف في صفي ليصدر من فمه ذلك الصوت المتهكم ذاته ويقول بفظاظة أثارت اعصابيامن على الأخير
وبعدين محموق اوي وعامل فيها حامي الحمى واللي يشوف كده ميقولش أن العز اللي أنت فيه ده مش من فلوس مراتك اللي اتجوزتها وهي مڠصوبة عليك ومبتقبلكش ورغم كده لسة عندك أمل تبصلك نظرة رضا واحدة علشان تترمي تحت رجليها
شعر أن بركان نيرانه مستعرة تنهش به بعد حديثه وزمجر بطريقة تدل على أنه يحاول كظم غيظه حين قال وهو
يرفع سبابته أمام وجهه بتحذير
كلمة كمان يا حسن وقسم بالله مهيحصلك طيب
متعرفش تعمل حاجة و ده أخرك
وبعدين متعملش عليا راجل وروح اتشطر على اللي أنت مش قادر تحكمها الأول
لكمة عاتية
كانت رد يامن الرادع له بعد حديثه المقيت الذي أصاب صميم كبريائه ببراعة وتلاها صراخه به بنبرة حادة منفعلة للغاية
أنا راجل ڠصب عنك على الأقل انا عمري ما هقبل على نفسي ولا على كرامتي أخد قرش واحد من فلوسها وحقها هرجعه على داير مليم لكن الدور والباقي عليك اللي أخدت فلوسها وروحت اتجوزت عليها بيهم ولأ كمان مش عاجبك وبتبجح وعمال ټجرح يمين وشمال ومش عامل حساب لأي حاجة يا جبروتك يا اخي
كان حسن مشدوها من ردة فعله غافل أن بحديثة ذلك كشف الستار عن بواطن الألم بقلب يامن وعزز سبب شقائه
ليقول بتأهب وهو يدلك فكه ويحركه يمينا ويسارا كي يخفف من وطأة الألم الذي احتله أثر لکمته
هي حصلت تمد ايدك عليا طب واللي خلقك لقطعهالك يا
سبه بلفظ نابي جعل يامن يستشيط ڠضبا ولكن الأخر لم يكتفي بذلك بل اندفع
كي يهجم عليه وإن كاد الشجار يحتد أكثر بينهم صړخت ثريا واندفعت تحيل
بينهم
يالهوي يالهوي هي حصلت تمدو ايدكم على بعض صلوا على النبي يا ولاد ايه اللي حصل
صاح يامن بحنق وهو يؤشر بيده على الأخر
اسألي الحيوان ده وشوفيه قال ايه
تسألت ثريا بجزع وهي توجه نظراتها ل حسن
ايه اللي حصل يا بني ليه تقفوا لبعض كده ده انتوا طول عمركم اخوات
تأفف حسن وأخبرها بحدة
ابنك اللي استفزني لما نسى إن
أنا اللي ابقالو و واقف في صف الخبيثة مراتي اللي سرقتني
لم تستوعب ثرياماتفوه به وتساءلت من جديد
ازاي يا ابني رهف سرقتك فهمني
لم يمهله يامن الفرصة لكي يوضح لها بل اندفع قائلا
البيه اتجوز عليها وزعلان علشان خدت فلوسها اللي ادتهالو وطالبة الطلاق
لطمت ثريا ا وشهقت متفاجئة بينما استأنف يامن وهو يوجه حديثه له بحدة
تصدق وتؤمن بالله انت مش بني ادم انت انسان براس تور ومراتك خسارة فيك وليها حق تطفش من بجاحتك و وكلامك اللي زي السم
قالها بإنفعال وهو يغادر المنزل بأكمله كي لا تثور ثائرته أكثر
تارك ثريا تعاتب الأخر الذي كان يقف بعيون تقدح بنيران الڠضب
اللي بيقوله يامن ده صح يا ابني
تأفف هو ساخطا ولوح بيده هادرا بتبجح دون أي لباقة او احترم لتلك السيدة الماثلة أمامه
يووووووه أنتوا فلقتوني اه صح ومحدش ليه فيه وانا غلطان اصلا إني جيت البيت ده
قالها وهو يخطو نحو الخارج بخطوات واسعة يتأكلها الڠضب وكأنه فقد تقدير الأمور وترك لتلك الغريزة بداخله أن تسيطر على كافة قراراته وتلغي عقله فهو يظن أنه لم يخطئ بتاتا وأن خطيئته مبررة غافل كونه فعل كل ذلك فقط كي يرضي غرور الذكر الذي بداخله ويشعره بالكمال
أما في المساء فكانت مازالت تلازم الفراش ولم تتعافى كليا حين أتت ثريا واحضرت معها الطعام ووضعته بجانبها
لاحظت نادين وجوم وجهها واستغربت
ولكن بلا جدوى فهاتفها مغلق مما جعل القلق ينهش بقلب ثريا التي كانت ملامحها متهدلة ورأسها منكس بحزن بين أثار فضول نادين وخاصة انها استمعت لصړاخ يامن خارج غرفتها ولصوت حسن ايضا ولكنها لم تستشف شيء محدد
لذلك تساءلت
